L-istilista David C Attard Bajada xerred messaġġ li jġib memorja diffiċli ta’ dak il- jum meta tilef “l-aktar ġawhra prezzjuża”, ommu l-għażiża.
David kellu biss 17-il sena meta għadda minn din l-esperjenza kiefra u għalkemm għadda żmien u l-weġgħa tibqa’ hemm, imħabbtu lejn ommu tibqa’ tissaħħaħ. “Kelli 17-il sena u kelli nikber mingħajrek. Kelli lit-tlett ħuti bniet x’nieħu ħsieb. Kont għadni wisq żgħir biex niġġieled battalji bħal dawn waħdi, biex nżomm sod, u biex nibki fis-skiet”.
David jinsab ċert li ommu tinsab hemm fuq tħarsu f’kull pass li jagħmel. M’hemm l-ebda dubju li tinsab kburija bis-suċċessi li qed jikseb u bil-ħidma li kontinwament għaddej biha.
Agħmel kuraġġ għażiż – u ibqa’ għamilha kburija bit-talenti sbieħ tiegħek!
Facebook/ David C Attard Bajda
