Ixxerja

Adam huwa tifel bil-kundizzjoni tad-down-syndrome li proprju 5 snin ilu kellu jagħmel operazzjoni kbira f’qalbu. Dalgħodu l-ġenituri tiegħu fakkru dan il-mument diffiċli f’ħajjithom.

Fuq il-midja soċjali huma jfissru kif dakinhar tal-operazzjoni d-dinja tagħhom waqfet ħesrem u jiftakru fit-tbatija li għaddew minna meta qattgħu sigħat jistennew fi skiet taqtgħu b’sikkina sabiex jaraw x’kien se jkun ir-riżultat ta’ din l-operazzjoni tant serja.

Illum, b’xorti tajba, qalb iċ-ċkejken Adam qed tħabbat u tinsab mimlija ħajja hekk kif l-operazzjoni kienet waħda ta’ suċċess.

Il-ġenituri ta’ Adam jistqarru li huma għadhom sal-lum il-ġurnata jqisu dan is-suċċess bħala opportunità ġdida għal binhom sabiex jerġa’ jibda jgħix mill-ġdid.

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

“Irnexxielha Ġġib Riżultati Tajbin… Dan Li Jiġri Meta Ssib Għalliema Li Jemmnu Fiha” – Omm Francesca

Gwida.mt Illum

Minkejja l-ġlieda kontinwa tagħha kontra l-kundizzjoni tad-down-syndrome, Francesca tkompli tikseb iżjed suċċessi hekk kif issa rnexxielha wkoll tikseb riżultati pożittivi fl-eżamijiet tagħha tal-kant. Michelle, omm Francesca, tfisser kif dawn ir-riżultati huma riżultat ta’ għalliema li emmnu fi Francesca u tawha l-opportunità sabiex tirnexxi. “Kemm jien kburija bik, Fran,” temmet tikteb l-omm fuq nota emozzjonanti.