Ixxerja

It-telfa ta’ Jesmond fil-komunità ta’ Bormla nħasset mhux ftit. Jesmond kien attivist u tista’ tgħid li kont se ssibu hemm, f’xi ħaġa jew oħra. Kien kburi li kien minn Bormla u kien jieħu r-regatta bis-serjetà mmens. Il-ħabib tiegħu Joseph Scerri, kiteb poeżija sabiex ifakkar lill-ħabib tiegħu u jagħti ġieħ il-memorja tiegħu wkoll.

Aħna ddeċidejna li naqsmu magħkom il-kliem mill-qalb li kiteb Joseph. Kliem li ċertament ifisser ħafna. F’isem it-tim ta’ Gwida.mt, insellmu l-memorja għażiża ta’ Joseph u nagħtu l-kondoljanzi tagħna lill-familjari u ħbieb tiegħu f’dan iż-żmien diffiċli. Strieħ fis-sliem Jesmond u kopli ħares lill-għeżież tiegħek. 

Lil Sieħbi Jesmond

Żewġ versi sejjer niktiblek

b’rispett il-ħbiberija tagħna

dieqa kbira ħallejtielna

li llum inti m’għadekx magħna.

Qatt ma bsarna li dan ser jiġri

li nitilfu ħabib sinċier

niftakru minn xiex għaddejna

niftakru kemm kont ċajtier.

Għall-festa u għar-regatta

kont ittiehom l-attenzzjoni

ejja Blues b’kuraġġ kont tlissen

u mill-qalb Viva l-Kunċizzjoni.

Bormla kollha ddispjaċuta

ħallejt lil kullħadd bla kliem

Jesmond f’qalbna għal dejjem tibqa’

sakemm niltaqgħu strieħ fis-sliem.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“Ta’ 10 Snin Sirt Naf Li Ommi Kellha L-Vizzju Tad-Droga… Familti Ma Riedux Li Nsir Naf Biex Ma Nħossnix Differenti Minn…

Cristian Tonna Ilbieraħ

Intervistata waqt Kuxjenza, Remenda Grech tirrakkonta kif meta kellha madwar 10 snin skopriet li ommha kienet qed tbati mill-vizzju tad-droga.Tispjega kif il-familja tagħha għamlet li setgħet sabiex hi ma ssirx taf għaliex ma xtaquhix li tħossha differenti minn ħaddieħor.Madankollu tistqarr li b’mod speċjali n-nanna tagħha, għamlet li setgħet sabiex tagħtiha l-aqwa u l-aħjar trobbija possibbli.Remenda […]