F’jum San Valentinu kulħadd iħossu xi ftit aktar romantiku mis-soltu u forsi dak li jkun jagħmel sforz biex juri dik l-imħabba lil dawk l-aktar għeżież għalih. Il-preżentatur lokali Peppi Azzopardi, li hu wkoll kittieb mill-aqwa, f’dan il-jum speċjali ħarbex erba’ kelmiet mill-isbaħ lil martu Mandy biex juriha xi tfisser għalih.
Aħna ħa nħalli l-erba’ kelmiet li ħarbex Peppi jitkellmu għalihom, ninsabu ċerti li ħa tapprezzawhom!
Għażiża Mandy,
Ilni biex nipprova nifhem
għaliex s’issa qatt ma fhimt
illi kif naħseb fl-imħabba
f’dik l-imħabba jkun hemm int.
Ilni biex nipprova nifhem
għala hekk kif naħseb fik
inkun nixtieq ngħid lid-dinja
x’għandi f’qalbi, x’għandi bik.
Facebook / Peppi Azzopardi