Il-mudella Edera Fenech, li qed iġġorr it-titlu ta’ Miss Mosta 2024, xtaqet tqajjem għarfien dwar il-kundizzjoni tal-anorexia. Xi ħaġa li esperjenzat hi stess, u taf id-diffikultajiet li wieħed jaffaċċja waqt li qed jikkumbattiha.
“L-anorexia nervosa hi problema serja fl-ikel u fis-saħħa mentali. Xi ħadd bl-anorexia ħafna drabi jkollu biża’ qawwija li jżid il-piż, u jista’ jkollu idea żbaljata ta’ ġisimhom, billi jibda jaħseb li qed jeħxien anki meta jkollu piż baxx.”
Edera tispjega li l-anorexia mhix sempliċiment deċiżjoni li tagħmel id-dieta, iżda aktar ikkumplikata. Hi tikteb li għalkemm hemm ħafna nisa li jirrappurtaw din il-kundizzjoni, issib anke rġiel.
“L-idea tal-irkupru tista’ tinħass diffiċli jew tal-biża’ jekk tibża’ li żżid il-piż, jew tinkwieta li ser titlef il-kontroll. Forsi għadek ma tħossokx lest biex taħseb dwarha. Ftakar biss li huwa possibbli li tħossok aħjar, anke jekk tieħu l-ħin biex tasal hemm.”
Prosit Edera!
