Ixxerja

Malta se tilqa’ lura waħda mill-aktar rappreżentanti tagħha li kisbu suċċess fuq livell internazzjonali. Julia Ann Cluett, li kisbet suċċess mill-isbaħ waqt Miss Universe 2025, hekk kif ikklassifikat mal-ewwel 12 u rebħet it-titlu ta’ Miss Universe Europe & Middle East. Hi se tasal lura nhar il-Ġimgħa 6 ta’ Diċembru fis-19:00 fl-Ajruport Internazzjonali ta’ Malta.

L-organizzaturi qed jistiednu lis-segwaċi biex ikunu preżenti għall-wasla tagħha, hekk kif Julia se tagħti l-ewwel kummenti tagħha hekk kif terġa’ lura f’pajjiżha wara l-esperjenza memorabbli tagħha fl-74 edizzjoni tal-Miss Universe li saret fit-Tajlandja.

Il-parteċipazzjoni ta’ Julia mhux biss kisbet għarfien globali, iżda rnexxielha tgħaqqad lil pajjiż sħiħ warajha, bil-Maltin kollha jappoġġjaw il-vjaġġ tagħha f’din il-pjattaforma prestiġjuża.

Din il-wasla mistennija tkun mument emozzjonanti kemm għal Julia kif ukoll għal dawk kollha li segwewha pass pass f’din il-mixja storika.

Għal aktar aġġornamenti fuq l-avveniment u l-karriera ta’ Julia Ann Cluett, segwu Gwida.mt.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Artikli Ricenti

Inizjattiva Annwali Ta’ Solidarjetà Twassal Ferħ Lil Tfal Fil-Bżonn F’Dan L-Istaġun Festiv

Eileen Cumbo Salerno Illum

CSB Group reġa’ għal darb’ oħra wera l-veru spirtu tal-Milied permezz tal-inizjattiva ġeneruża annwali tiegħu f’kollaborazzjoni ma’ Toys for Tots Malta, tim li jaħdem bla waqfien sabiex ipoġġi tbissima fuq wiċċ it-tfal li jinsabu għaddejjin minn żminijiet diffiċli. Din is-sena, il-Kumitat Soċjali ta’ CSB għażel li jiffoka fuq żewġ entitatjiet li t-tnejn li huma jagħmlu […]