Ixxerja

F’perjodu fejn ħafna kumpaniji jiffukaw fuq skedi mimlijin u laqgħat kontinwi, is-SOFTSWISS għażlet li tieqaf għal mument u toħloq spazju aktar uman u familjari. Permezz tas-SOFTSWISS Cinema Club, ġew organizzati jumejn speċjali ta’ wirjiet tal-film Zootopia 2 f’żewġ pajjiżi differenti: Malta li saru ġewwa l-Belt Valletta filwaqt li l-oħrajn saru f’São Paulo, il-Brażil.

Dawn l-attivitajiet ma kinux sempliċiment wirjiet ta’ film, iżda maħsuba biex jiġbru flimkien lill-kollegi u t-tfal tagħhom fl-istess spazju. Minflok slajds u aġendi ta’ laqgħat, kien hemm imwejjed għat-tfal, rigali, riċeviment ħafif u atmosfera divertenti.

Il-parteċipanti kellhom l-opportunità jqattgħu ħin ta’ kwalità flimkien, jitkellmu b’mod aktar informali u jaqsmu mument komuni li jmur lil hinn mix-xogħol. Esperjenza li fakkret lil ħafna li relazzjonijiet fit-tul fin-negozju ma jinbnewx biss fuq il-ħidma iżda fuq il-fiduċja u l-konnessjoni umana. Meta n-nies ikollhom il-ħin biex jisimgħu lil xulxin u jiddevertu flimkien proprju minn hemm jistgħu jitwieldu iktar ideat u proġetti ġodda.

Is-SOFTSWISS irringrazzjat lil dawk kollha li attendew f’Malta u fil-Brażil  għall-parteċipazzjoni tagħhom f’dawn il-wirjiet li għalqu sena oħra ta’ ħidma u kollaborazzjoni. Bħalissa f’Malta, il-film tant maħbub Zootopia 2 qed jintwera fiċ-ċinema.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Artikli Ricenti

Ġuvnott Skaliż Joħloq Ktejjeb Ta’ Kuraġġ Biex Jgħin Lil Puttinu Cares

Eileen Cumbo Salerno Ilbieraħ

Żjara sabiħa u ta’ ispirazzjoni saret lis-Sindku ta’ Marsaskala Mario Calleja, meta ltaqa’ ma’ ġuvnott Skaliż li diġà qed jagħmel differenza fil-komunità. Il-ġuvnott, bl-isem ta’ Neil Demarco, ħoloq il-ktejjeb bil-Malti “Ispirazzjoni – Ġabra ta’ Stejjer ta’ Kuraġġ”, li jiġbor fih stejjer ta’ individwi li għaddew minn tbatija jew sfidi relatati ma’ kundizzjonijiet differenti fil-ħajja tagħhom.Dan il-ktieb mhux […]