Ixxerja

Il-kantanta Maltija Maria Lewis qasmet messaġġ mill-isbaħ u mimli emozzjoni f’okkażjoni speċjali ħafna – il-11-il anniversarju taż-żwieġ tagħha ma’ żewġha Aaron.

Fuq il-mezzi soċjali, Maria rriflettiet fuq dawn is-snin flimkien, li skontha “għaddew bħal leħħa ta’ berqa,” fejn qalet li beda donnu l-bieraħ. Fil-messaġġ tagħha, hija rringrazzjat lil Aaron għall-imħabba, il-mumenti ta’ tbissim, il-memorji sbieħ u l-avventuri kollha li għadhom jaqsmu flimkien sal-lum.

Maria stqarret li tassew tħossha xxurtjata u għalhekk tirringrazzja lil Alla kuljum talli berikha bl-għażiż żewgha u talli dejjem jiggwidahom f’ħajjithom u ż-żwieġ tagħhom. Lejn l-aħħar tal-messaġġ saħqet li tħobbu aktar milli qatt jistgħu jesprimu l-kliem u temmet bi frażi emozzjonali li messet il-qlub:“Għal dejjem tiegħek, martek Maria.”

Dan il-messaġġ laqat lil bosta segwaċi tagħha, li ma qagħdux lura milli jesprimu l-awguri tagħhom f’din il-ġurnata tant sinifikanti għal din il-koppja tant maħbuba. F’isem Gwida.mt nawgurawlhom iktar snin ta’ mħabba flimkien.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Jinqabad Li Falla L-Iskola Biex Imur Jara T-Tim Favorit Tiegħu Jilgħab Wara Li L-Kamera Iffukat Fuqu

Cristian Tonna Illum

Meta omm tifel ta’ 9 snin rat kemm binha kien ħerqan sabiex flimkien ma’ missieru jmur jara lit-tim favorit tiegħu jilgħab fis-semi-finali ta’ kampjonat tal-futbol, ċemplet lill-għalliema tat-tifel u qalilthom li binha mhux se jkun jista’ jattendi l-iskola f’dik il-ġurnata għaliex ma kienx f’saħħtu. Ġara madankollu li fil-mument meta Sammy, it-tifel ta’ 9 snin, infexx […]