Mill-Ħadd li 11 ta’ Jannar, beda jixxandar il-vjaġġ ta’ X Factor Malta: Back to Win. Ġimgħa ilu komplejna rajna grupp ieħor ta’ awdizzjonijiet, biex minnhom intgħażlu 12-il finalist.
Bħalma jiġri kull sena, dawn it-12 jinqassmu f’erba’ kategoriji, kull waħda mmexxijja mill-membri tal-ġurija. Din is-sena għandna:
Tim Howard: Amelia, Miguel, Lapes u Nadine
Tim Aleandro: Jasmine, Shanice, u Shauna
Tim Amber: Owen, Mamaclay, Kyle
Tim Philippa: Maya, Lisa, Bloodline
Illejla tkompli l-iktar parti ta’ tensjoni u eċitament mill-kompetizzjoni, hekk kif dawn l-artisti jridu jikkonvinċu lill-pubbliku, u jista’ jkun anke lill-ġurija, biex jivvutawlhom, ħalli jimxu għall-fażi li jmiss.
Ġimgħat ta’ provi, u ħidma ma tiqafx. Ilkoll jistħoqqilhom ħafna suċċess! Awguri lill-kantanti kollha!