Moira Delia qasmet mument emozzjonanti u diffiċli fuq il-midja soċjali hekk kif ħabbret it-telfa tal-kelb tagħha, Ċikka, li kellha 15-il sena. F’messaġġ mimli mħabba u niket, Moira ddeskriviet lil Ċikka bħala “qalb ta’ qalbi” u membru essenzjali tal-familja tagħha, li dejjem kienet maġenbha bħala s-sieħba leali u ħelwa.
Hi spjegat kif Ċikka sabet il-mistrieħ ta’ dejjem ilbieraħ, u għalkemm tifhem li kien wasal iż-żmien tagħha, il-vojt li ħalliet warajha huwa diffiċli biex jiġi mfisser bil-kliem. “It-telfa tiegħek ħalliet uġigħ li diffiċli tiddeskrivih,” kitbet Moira, filwaqt li esprimiet kemm qalbha hija maqsuma.
Moira rrimarkat ukoll li tul dawn is-snin taw lil Ċikka l-aħjar ħajja possibbli u assiguraw li fl-aħħar mumenti tagħha kienet mingħajr uġigħ. Fost dan l-uġigħ kollu, hija semmiet ukoll kif, meta jasal iż-żmien, beħsiebha terġa’ tiftaħ qalbha għal kelb ieħor billi tagħżel li tadotta, u mhux tixtri.
Il-preżentatriċi temmet il-messaġġ tagħha billi spjegat li qasmet din l-aħbar biex tevita mistoqsijiet meta tidher barra mingħajr Ċikka, kelba li kienet parti kbira minn ħajjitha u li żgur se tibqa’ tgħix fil-memorji tagħha.
Facebook / Moira Delia
