Ixxerja

L-istorja ta’ Raisa Falzon hija waħda ta’ kuraġġ u tama li ispirat u għadha tispira lil ħafna. Permezz ta’ kitba fuq il-midja soċjali, hija fakkret mument diffiċli li seħħ 13-il sena ilu.

Dakinhar Raisa kellha esperjenza li ddeskrivietha bħala “dlam”, u li affettwat mhux biss lilha, iżda wkoll lill-familja u lill-ħbieb tagħha.

Ritratt: Facebook/ Raisa Falzon

Minkejja dan, Raisa tgħid li dak il-mument inbidel f’raġġ ta’ dawl, hekk kif sabet is-saħħa biex tkompli tgħix u tapprezza kull jum bħala rigal.

Fil-messaġġ tagħha, hija esprimiet gratitudni kbira lejn il-professjonisti mediċi, inklużi nurses u tobba, li ħadu ħsiebha f’dak iż-żmien diffiċli.

Irringrazzjat ukoll lill-familja u lill-ħbieb tagħha li baqgħu hemm magħha, u li kienu ta’ sostenn kontinwu. Fl-aħħar nett, Raisa sellmet lill-Mulej talli provdielha lil dawn in-nies f’ħajjitha, u b’hekk l-istorja tagħha tibqa’ xhieda ta’ kif anke mill-iktar mumenti mudlama jista’ jitwieled tama ġdida.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Issa

Bil-Filmat: “Żomm Ruħek Sigur Minn Emails Suspettużi. Ara Dan Il-Filmat Qabel Taġixxi” – BOV

Kyle Zarb Illum

Il-paġna ta’ BOV qasmu filmat bi struzzjonijiet dwar emails li jistgħu jintbagħtu, li jkunu scam jew b’informazzjoni mhux leġittima. L-ewwel sinjal li hemm xi ħaġa mhux f’posta hi li jitolbok tagħfas fuq xi ħolqa li jkun hemm, jew jitolbok informazzjoni jew dettalji personali b’urġenza. Dejjem trid tiċċekkja jekk hux qed jitolbu informazzjoni ġenerika jew sensittiva. […]