Ġest sabiħ ta’ solidarjetà u ġenerożità tħabbar mill-Malta Football Association, permezz ta’ inizjattiva b’għan nobbli.
Taħt it-tema Nappoġġjaw Kawża Ġusta, l-Assoċjazzjoni tat donazzjoni ta’ flokk iffirmat mill-plejers tat-tim nazzjonali Malti. Dan il-flokk ser jiġi mtella’ f’lotterija organizzata fi ħdan il-Forzi Armati ta’ Malta, fejn il-fondi kollha li jinġabru se jmorru direttament għall-karità.
Din l-inizjattiva għandha l-għan li tagħmel differenza pożittiva fil-ħajja ta’ dawk fil-bżonn, filwaqt li tkompli ssaħħaħ il-valuri ta’ solidarjetà u għajnuna reċiproka fis-soċjetà Maltija. Il-ġest juri kif l-isport jista’ jmur lil hinn mill-logħba u jsir mezz biex jinġabru fondi u tinħoloq aktar għarfien dwar kawżi importanti.
F’dan il-kuntest, tqajjem apprezzament sinċier lejn il-Malta Football Association għall-ġenerożità u s-sapport kontinwu tagħha lejn inizjattivi ta’ karità.
Il-paġna uffiċjali tal-Forzi Armati ta’ Malta tesprimi gratitudni lejn din l-inizjattiva.
“Nirringrazzjaw lill-Malta Football Association għall-ġenerożità u s-sapport kontinwu tagħhom. Nixtiequ wkoll nawguraw lit-tim nazzjonali kull suċċess fil-logħba play-off tan-Nations League ta’ għada kontra l-Lussemburgu li ser tintlgħab fl-Stadium Nazzjonali f’Ta’ Qali fis-18:00.”
Naraw kemm l-isport u s-solidarjetà jistgħu jingħaqdu u jinħolqu inizjattivi li verament jagħmlu differenza.
Facebook/ Armed Forces of Malta
