Ixxerja

Proprjetà rurali unika fis-Siġġiewi bħalissa tinsab fis-suq b’valur ta’ madwar €17.5 miljun.

Din il-proprjetà, li tinsab qrib Is-Salib tal-Għolja, tinkludi madwar 14-il tumolo art, farmhouse oriġinali u kappella storika li tmur lura għal madwar 400 sena.

Skont l-aġenzija Ruggier Properties Ltd, il-post joffri veduti panoramiċi mill-isbaħ li jinfirxu fuq il-kampanja kollha ta’ madwaru, fatt li jagħmilha proprjetà diffiċli biex issib bħalha.

Ritratt: Ruggier Properties Ltd.

Minkejja l-karatteristiċi distintivi tagħha, jidher li l-proprjetà ilha fis-suq għal diversi snin, b’reklami li jmorru lura għall-2022, u s’issa għadha ma sabitx xerrej.

Il-prezz ta’ €17.5 miljun ipoġġiha fost l-aktar proprjetajiet għoljin f’Malta, għalkemm mhux l-ogħla – hekk kif f’dawn l-aħħar snin, penthouse f’Mercury Towers kienet ġiet offruta għal madwar €22 miljun.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Issa

‘Holy Week In Żejtun’ – Pjattaforma Diġitali Ġdida B’Dettalji Ta’ Wirjiet, Pageants U Aktar

Gwida.mt Illum

F’dawn il-jiem tal-Ġimgħa l-Kbira, iż-Żejtun qed joffri esperjenza aktar aċċessibbli u organizzata permezz ta’ pjattaforma diġitali ġdida – Holy Week in Żejtun Minn idea sempliċi ta’ flyer li jiġbor l-attivitajiet, illum din evolviet f’one stop shop li jiġbor kollox f’post wieħed: wirjiet, pageants, ir-rotta tal-purċissjoni, informazzjoni dwar il-vari, kif ukoll dettalji dwar l-użanzi u t-tradizzjonijiet […]