Il-paġna Neptunes WPSC esprimiet sogħba wara l-mewt ta’ Josie Cachia, eks plejer tal-water polo u wieħed mill-aktar membri anzjani u għeżież tal-klabb.
Fi stqarrija li tħabbret fuq Facebook, il-klabb iddeskriva lil Cachia bħala persuna li kien parti integrali mill-istorja u l-identità tiegħu. Il-preżenza tiegħu, flimkien mal-wirt li ħalla warajh, se jibqgħu mfakkra għal dejjem minn dawk kollha li kellhom il-privileġġ li jafuh.
Huma jiktbu, “Huwa se jibqa’ mfakkar b’rispett u affezzjoni kbira minn dawk kollha li kellhom il-privileġġ li jkunu jafuh.”
Il-funeral tiegħu se jsir nhar l-Erbgħa, 1 ta’ April, fid-09:30 ta’ filgħodu fil-Knisja tal-Balluta. Il-preżenza tal-membri u dawk li jixtiequ jsellmu l-aħħar tislima hija apprezzata sabiex flimkien jagħtu ġieħ lil ħajtu.
Jistrieħ fis-sliem.
