Ixxerja

Il-preżentatur lokali Brian Hansford, kif ħafna jafu, juża l-midja soċjali biex minn dak li jaf, u l-informazzjoni li jkun jista’ jgħaddi, dejjem ixerridha fuq il-midja soċjali.

Jidher li ħafna nies mhux talli jappoġġjawh fuq ix-xandir, iżda anke fil-kontenut li jitfa’ fuq il-midja soċjali. Ta’ dan Brian hu tant grat.

“Qabel ma nerġgħu naqbdu r-ritmu tal-aħbarijiet, ridt ngħid GRAZZI mill-qalb. Jien bla kliem meta nara l-eluf ta’ nies li qed jaqraw u jsegwu dak li nikteb.”

Ritratt: Facebook/ Brian Hansford

Brian ikompli, “Ridt nagħmilha ċara: dan huwa l-profil personali tiegħi biss. Din mhix xi paġna u lanqas mhu xi riklam imħallas. Jien persuna bħalkom, u l-fatt li tant nies – segwaċi u anke dawk li mhumiex – jagħżlu li jaqraw il-ħsibijiet tiegħi, jimlieni b’unur kbir u ninsab onorat. Grazzi tar-rispett u tal-appoġġ tagħkom.”

Prosit Brian li dejjem tkun minn ta’ quddiem li taqsam informazzjoni utli għall-pubbliku Malti u Għawdxi.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Issa

“Taħriġ Immirat Biex Itejjeb Il-Ħila Tas-Suldati Billi Jirrispondu Malajr U B’Mod Effettiv Għal Theddid Potenzjali…

Kyle Zarb Illum

Suldati tal-Quick Reaction Force (QRF) tal-A Company fi ħdan l-Ewwel Reġiment tal-Forzi Armati ta’ Malta kellhom taħriġ speċjalizzat organizzat mir-Royal Air Force Protection Centre, bil-għan li jtejbu l-kapaċitajiet tagħhom f’sitwazzjonijiet sensittivi ta’ sigurtà fl-ajruport. Skont dak li tħabbar mill-Forzi Armati ta’ Malta fuq il-paġna ta’ Facebook tagħhom, dan it-taħriġ iffoka fuq rispons rapidu u effettiv. […]