Ixxerja

Fuq The Morning Vibe ġiet mistiedna waħda mill-membri tal-ġurija ta’ X Factor Malta, li se jkun qed jixxandar għada filgħaxija. 

JD, Abel u Martina saqsew lil diversi personaġġi dwar xi esperjenzi li jitfakru minn meta kienu għadhom imorru l-iskola u issa kien imiss lil Philippa sabiex tirrakkonta xi ġrajjiet minn dak iż-żmien.

Philippa qalet li minn dejjem kienet fuq tagħha u ta’ spiss kienet tidħol fl-inkwiet u titkeċċa mill-klassi meta kienet għadha studenta. Darba ddeċidew li jfittxu fil-basktijiet tal-istudenti biex jaraw jekk għandhomx xi ħaġa li mhux suppost ġabuha magħhom l-iskola. Meta kien imiss li jfittxu fil-basket ta’ Philippa raw xi ħaġa stramba u l-għalliema riedet li Philippa tagħtiha din il-ħaġa.

Din il-ħaġa stramba ma kienet xejn ħlief ftira mmuffata li Philippa kienet ħalliet fil-basket u għalkemm ma kellha xejn li mhux suppost ħadet magħha fl-iskola, Philippa xorta waħda spiċċat imkeċċija barra mill-klassi.

Ixxerja

Miktub Minn

Henzley

Interessat f'dak kollu li hu Malti; mil-lingwa sa ġrajjiet kurrenti u mużika. Bħala mod ta' rilassament iħobb jagħmel xi mixja jew isegwi xi serje jew film. Jogħġbu u jsegwi wkoll sports differenti bħall-football u wrestling.

Issa

David Agius Jifraħ Lill-Isqof John S. Bonnici Li Ġie Maħtur Isqof Djoċesan Fi New York

Kyle Zarb Illum

David Agius wassal messaġġ ta’ awgurju sinċier wara l-ħatra ta’ isqof ġdid b’għeruq Maltin.F’kitba li qasam pubblikament, David esprima l-awgurju tiegħu għal John S. Bonnici wara l-ħatra bħala Isqof tad-Djoċesi ta’ Rochester.Huwa sellem din il-ħatra bħala mument ta’ kburija, speċjalment minħabba l-għeruq Maltin tal-isqof il-ġdid.L-Isqof Bonnici, li twieled fi New York City, kien iservi bħala […]