Ixxerja

Il-paġna uffiċjali ta’ Miss Universe Malta qasmet messaġġ sabiħ u mimli tifħir f’għeluq snin Julia Ann Cluett, li tibqa’ mfakkra bħala waħda mill-aktar mudelli li għamlu impatt qawwi f’isem pajjiżna.

Fil-messaġġ tagħhom, huma ddeskrivew lil Julia bħala ‘reġina‘ li rnexxielha tgħaqqad lill-poplu Malti kollu wara Malta, filwaqt li għamlet storja bħala Miss Universe Europe & Middle East. Grazzi għall-ħidma u d-dedikazzjoni tagħha, Julia poġġiet lil Malta b’mod ċar fuq il-mappa tal-kompetizzjoni tas-sbuħija internazzjonali.

Minkejja s-suċċessi kollha, Julia tibqa’ magħrufa għall-umiltà tagħha u l-mira ċara fuq il-missjoni li temmen fiha – li tippromwovi l-importanza tas-saħħa mentali u tqajjem aktar kuxjenza dwar dan is-suġġett delikat iżda essenzjali.

Il-messaġġ intemm b’awguri mill-qalb biex ikollha ġurnata speċjali u mimlija ferħ, hekk kif tkompli tkun ta’ ispirazzjoni għal ħafna, kemm fuq livell nazzjonali kif ukoll dak internazzjonali.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Artikli Ricenti

Kapitlu Tlettax Jiftħu S-Sena 2026 Bir-Rilaxx Tal-Kanzunetta Ġdida ‘Sakemm Ġejt Int’

Eileen Cumbo Salerno Illum

Kapitlu Tlettax jiftħu l-2026 b’“Sakemm Ġejt Int”, kanzunetta riflessiva u mrażżna li tiffoka fuq bidla emozzjonali u fuq l-impatt li persuna waħda tista’ tħalli fuq il-mod kif wieħed iħares lejn il-ħajja. Il-kanzunetta nkitbet minn Kapitlu Tlettax fuq idea ta’ David Alosio flimkien ma’ Cyprian Cassar ta’ Somnio Studios, li kien ukoll responsabbli mill-produzzjoni. Il-ħoss hu […]