Ixxerja

Nikita ssemmi li meta kellha 13-il sena kkonsmat għall-ewwel darba f’ħajjitha d-droga u għal 15-il sena sħaħ baqgħet maħkuma mill-vizzju. Illum il-ġurnata tirikonoxxi li l-ikbar sfida li kellha ma kinitx li ma setgħetx tieqaf tieħu d-droga iżda li ma ridietx tieqaf.

“Ma kontx naf mod ieħor… sfortunatament is-sitwazzjoni li trabbejt fiha kienet pjuttost kaotika tant li d-dar ukoll kien hemm il-problema tal-vizzju,” tispjega Nikita f’intervista waqt Popolin.

Hi tistqarr ukoll li llum il-ġurnata tħares il-ħajja minn lenti differenti u ta’ kuljum tħossha grata. Tirikonoxxi wkoll li wieħed mill-isbaħ mumenti ta’ ħajjitha kien proprju meta saret ommu u tisħaq li dan għinha wkoll fuq livell personali.

“Żgur li ma rridx li binti tħares lejja bl-istess mod li jien kont inħares lejn il-ġenituri tiegħi… inkun kattiva kieku,” tisħaq Nikita.

Illum il-ġurnata li rnexxielha tegħleb il-vizzju tad-droga, Nikita ssostni li tħoss weġgħa kbira meta tara żgħażagħ maħkumin mill-vizzju tad-droga u tfisser kif kulħadd huwa fit-tmun ta’ ħajtu u għandu l-abbiltà li jfassalha hu kif jixtieq.

Prosit, Nikita!

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

Ħaż-Żebbuġ Isaħħaħ It-Tradizzjonijiet Tal-Ġimgħa Mqaddsa Bi Proġett Ġdid Ta’ Tiżjin

Emil Calleja Bayliss Illum

Il-Kunsill Lokali ta’ Ħaż-Żebbuġ kompla juri l-impenn tiegħu lejn il-kultura u t-tradizzjonijiet reliġjużi, din id-darba permezz ta’ inizjattiva ġdida marbuta mal-Ġimgħa Mqaddsa. Wara s-suċċess tat-tiżjin tal-Milied, issa l-fokus inbidel fuq wieħed mill-aktar perjodi importanti fil-kalendarju reliġjuż Malti. Il-proġett jinkludi t-tiżjin ta’ Vjal il-Ħelsien, it-triq prinċipali tal-lokalità u arterja importanti minn fejn tgħaddi l-purċissjoni tal-Ġimgħa l-Kbira. […]