Christa Cilia qasmet storja li tmiss il-qalb u mimlija tama, li matul il-festi tal-Għid wettqet att ta’ salvataġġ li juri kemm atti żgħar sbieħ jistgħu jagħmlu differenza kbira.
Kollox beda meta żewġha lemaħ kelb waħdu fit-triq filgħaxija.
L-għada filgħodu, Christa rat lill-istess kelb fl-istess żona – jitla’ u jinżel fit-triq u jerġa’ lura fl-istess post, bħal donnu kien qed ifittex lil xi ħadd.
Xena li faċilment taqsamlek qalbek, u li tqajjem dubji serji jekk l-annimal kienx abbandunat. Wara li ġie ċċekkjat, ma nstab l-ebda microchip, u l-kelb kien f’kundizzjoni ħażina u maħmuġ ħafna.
Mingħajr ma ħasbet darbtejn, Christa ddeċidiet li tieħdu magħha d-dar, fejn nadiftu u, fuq kollox, tagħtu post sigur fejn jista’ jistrieħ u jirkupra.
Christa temmet l-esperjenza tagħha b’messaġġ ta’ tama: dan il-kelb jistħoqqlu ħajja aħjar, u minn issa ’l quddiem se jkun qed jirċievi proprju dik il-kura u l-imħabba li dejjem kellu bżonn.
Għall-filmat ta’ Christa idħol HAWN
