Ixxerja

Dr Victor Calvagna li kien konsulent fil-pedjatrija sfortunatament kien ħalla din id-dinja propju bħal-lum erba’ snin ilu, wara li kien iddaħħal l-isptar Mater Dei għall-kura.

Nhar it-Tlieta 28 ta’ Dicembru 2021 filgħaxija, it-Tabib Dr Victor Calvagna ta’ 63 sena mill-Mosta ddaħħal l-isptar f’qagħda kritika, wara li kien ittajjar minn karozza.

Puttinu Cares dejjem kellha kliem ta’ tifħir għalih u dejjem fissritu bħala bniedem umli u li dejjem ta ħajtu għat-tfal morda u għall-ġenituri li tant kien iħobb. Stqarrew li Dr Calvagna dejjem għallem lin-nies kif ikunu ta’ servizz għall-oħrajn mingħajr ma jippretendu xejn lura.

“Bħal-lum, 4 snin ilu tlifna eroj tal-mediċina. Konsulent umli li dejjem ittratta lill-pazjenti u lill-familji tagħhom b’dinjità kbira. Żgur li ma ninsewk qatt. Kompli ipproteġina,” kiteb it-tim ta’ Puttinu.

Insellmulek Dr Calvagna. Grazzi ta’ kollox. Għal dejjem f’qalbna.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Issa

Kollox Lest Għal Festa Frawli Fl-Imġarr Nhar il-12 Ta’ April – Ċelebrazzjoni Ta’ Prodotti Magħmula Mill-Frawli

Gwida.mt Illum

Matul ir-rebbiegħa, fl-aqwa tal-istaġun tal-frawli, l-Imġarr jieħu dehra isbaħ għaliex tkun qed toqrob  Festa Frawli.   Bi ħġarhom l-Imġarrin jippreparaw sabiex jilqgħu lil min jogħġbu jżur dan ir-raħal sabiħ waqt din il-festa li din is-sena ser issir il-Ħadd, 12 ta’ April fil-pjazza tal-Imġarr. Ir-reġina tal-frott hija l-protagonista f’dan il-jum. Mill-għelieqi tagħhom il-bdiewa jaqtgħu l-isbaħ u l-itjeb […]