Ms. Joanne Sultana, għalliema fl-iskola ta’ Santa Tereża f’Kerċem kienet qed tistenna lill-istudenti tagħha għall-aħħar lezzjoni. Hi tagħlem b’kollox 24 student li matul il-Covid bħal ħafna għalliema għamlet il-lezzjonijiet tagħha online. Dawn l-istudenti nġabru quddiem id-dar ta’ Ms. Joanne b’kartelluni żgħar li jiffurmaw isimha u tista’ tobsor x’sorpriża ħelwa ħadet.
Ms Joanne żgur ħadet l-isbaħ sorpriża hekk kif rathom hemm miġburin. Il-Filmat jixhed il-ferħ ta’ wiċċha. Flimkien qassmu kejk u rringrazzjawa tax-xogħol siewi li għamlet din is-sena.
