Ixxerja

Il-kantant lokali Mark Anthony Bartolo, finalist għat-tieni darba fil-Malta Eurovision, qasam messaġġ mill-qalb biex jesprimi kemm hu grat lejn l-appoġġ li għadu kif irċievi matul dawn l-aħħar ġimgħat.

Mark jgħid, “Grat u onorat li ġejt mal-aqwa ħamsa għall-ewwel darba f’ħajti… kuntent ħafna… Urejtuni li għandi nemmen fiha nnifsi aktar. Naqra emozzjonat ħa nkun onest, tfisser ħafna għalija.”

Apparti minn hekk jifraħ lill-artisti l-oħra fosthom lil Aidan u Matt Blxck li ġew fuq quddiem. Jawgura lil Aidan wara r-rebħa tal-bieraħ.

Mark anke jikteb, “Ninsab kuntent li ġejt fir-raba’ post fil-Finali tal-MESC 2026. Kburi li wasalt s’hawn. Kienet triq twila biex wasalt hawn. Ir-riżultat wera dan. Naturalment naf li l-mużika tiegħi mhux se togħġob lil kulħadd. Madankollu, dik hija s-sbuħija tal-mużika.”

Awguri minn qalbna Mark!

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Artikli Ricenti

L-Oriġini Tal-Prinjolata – L-Aktar Ħelu Tal-Karnival Favorit Ta’ Ħafna

Bernard Xuereb Ilbieraħ

Il-Prinjolata hija sinonima mal-jiem tal-Karnival u hija l-ħelu favorit ta’ bosta. Din hija kejk tradizzjonali Malti f’forma ta’ koppla li għandha għeruq fondi fiċ-ċelebrazzjonijiet tal-Karnival, li jmur lura għal żmien il-Kavallieri ta’ San Ġwann. Imsemmija għall-kelma Maltija prinjol (ġewż tal-arżnu), din il-ħelwa li ma teħtieġx forn u hija rikka u delizzjuża, tradizzjonalment miksija bil-meringa, ċikkulata […]