Ixxerja

Il-preżentatur magħruf Keith Demicoli se jkun qed jirritorna fuq l-iskrin Malti hekk kif se jmexxi programm ġdid fuq TVM, bit-titlu Tipping Point.

Dan il-programm, li diġà huwa popolari ħafna f’diversi pajjiżi barranin, se jġib miegħu format ta’ quiz dinamiku u mimli tensjoni, fejn il-kontestanti jkollhom iċ-ċans jirbħu premjijiet billi jużaw kemm l-għerf kif ukoll l-istrateġija tagħhom. Il-logħba ċentrali tinvolvi magna b’muniti li tista’ tbiddel kollox f’sekondi, u tagħmel kull episodju imprevedibbli.

Ir-ritorn ta’ Keith Demicoli fuq TVM qed iqajjem interess, hekk kif huwa meqjus bħala wieħed mill-aktar preżentaturi stabbiliti u versatili fix-xena televiżiva Maltija. Bl-esperjenza twila tiegħu u l-istil naturali li jressaq lejn it-telespettaturi, Demicoli mistenni jagħti ħajja ġdida lil dan il-format internazzjonali.

Tipping Point mistenni jibda jixxandar fil-ġimgħat li ġejjin, u jidher li se jkun wieħed mill-programmi ewlenin tal-iskeda l-ġdida ta’ TVM.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

TV

Ir-Reality Xow Ta’ Popolin – Żewġ Edizzjonijiet Speċjali Ta’ Dibattitu L-Ħadd Fuq TVM

Emil Calleja Bayliss Illum

Il-programm popolari Popolin fuq TVM qed jippreżenta verżjoni ġdida tiegħu permezz ta’ żewġ edizzjonijiet speċjali bit-titlu POPOLIN IR-REALITY XOW. Dan il-kunċett ġdid ser joffri lill-udjenza esperjenza alternattiva għal dik li ilkoll imdorrijin naraw fl-istudio, b’aktar spontanjetà, diskussjonijiet diretti u atmosfera aktar informali. Għal dawn iż-żewġ programmi, tmien personalitajiet magħrufa ser jingħaqdu flimkien biex jiddiskutu temi […]