Ixxerja

Permezz ta’ kitba fuq il-paġna tagħhom, Aġġornament tat-Temp żammew lis-segwaċi tagħhom aġġornati b’dak li għandna nistennew mit-temp għall-jiem li ġejjin.

Bdew billi qalu, “Matul dan il-lejl ser ikollna xi ħalbiet tax-xita, jdur ir-riħ mil-lbiċ majjistral għal ħabta tat-3:00 u majjistral qawwi forza 7 buffuri forza 8 ser jaħkmu l-gżejjer Maltin matul il-jum ta’ għada l-Ħamis 29 ta’Jannar. Ilna ġimgħa nitkellmu dwar dan ir-riħ. Mal-jum jista’ jkollna xi ħalba xita iżolata. Temperatura l-ogħla tmiss 17 u l-inqas 11°C. Il-Ġimgħa 30 ta’ Jannar mistenni jkun ftit imsaħħab b’riħ punent forza 5 li jdur punent majjistru forza 5 buffuri forza 6 mal-jum. Temperatura l-ogħla tmiss 16 °C u l-inqas 11°C.”

Żiedu, “Is-Sibt ftit imsaħħab li jissaħħab ħafna u bix-xita speċjalment wara nofsinhar. Riħ forza 3 punent majjistru li jdur ilbic forza 4, aktar tard wara nofsinhar forza 6 majjistral buffuri forza 7. Temperatura l-ogħla tmiss 16°C u l-inqas 11°C. Temp kiesaħ. Il-Ħadd 1 ta’ Frar ftit imsaħħab bil-possibilita ta’ xi xita. Riħ Majjistral forza 7. Temperatura l-ogħla tmiss 14°C u l-inqas 9°C.”

Ixxerja

Miktub Minn

Charlton Cefai

Student tal-liġi, jħobb is-safar kif ukoll għandu għal qalbu ferm il-letteratura Maltija. Iħobb isegwi ferm id-dinja tal-ispettaklu kemm nazzjonali kif ukoll internazzjonali, b’mod speċjali fejn jidħol il-qasam tal-mużika. Fil-ħin liberu jħobb jikteb u jaqra jew inkella jara xi dokumentarju.

Twissija Ta’ Livell Medju – Il-Kundizzjonijiet Tat-Temp Huma Mistennija Jaqilbu Għall-Agħar Mill-Ħamis Filgħodu

Charlton Cefai Illum

Permezz ta’ kitba fuq il-paġna tagħhom, Dipartiment tal-Informazzjoni taw ftit informazzjoni rigward it-twissija ta’ livell medju li nħarġet ftit tal-ħin ilu. Huma qalu, “Twissija ta’ livell medju. Il-Ministeru għall-Intern, is-Sigurtà u x-Xogħol jinforma lill-pubbliku bl-avviż mid-Dipartiment tal-Protezzjoni Ċivili: Id-Dipartiment tal-Protezzjoni Ċivili javża li għada l-Ħamis 29 ta’ Jannar inħarġet twissija tat-temp ta’ livell medju (yellow […]