Ixxerja

Il-Malta Eurovision Song Contest tas-sena d-dieħla mistenni jġib miegħu taħlita sabiħa ta’ esperjenza, enerġija u talent lokali, hekk kif tħabbar li Destiny Chukunyere, Gaia Cauchi u Keane Cutajar se jkunu qed jippreżentaw is-serati ewlenin ta’ din l-edizzjoni.

Destiny u Gaia huma ismijiet li jġorru piż emozzjonali fil-kuntest tal-Eurovision għal Malta. It-tnejn rebħu l-Junior Eurovision Song Contest f’isem pajjiżna – Gaia fl-2013 u Destiny fl-2015 – u għal ħafna, ir-ritorn tagħhom fuq il-palk tal-Eurovision Malti bħala preżentaturi se jkun qisu bħal ċirku li qed jingħalaq b’mod sabiħ.

Min-naħa tiegħu, Keane Cutajar ilu snin juri l-professjonalità u l-ħeffa tiegħu bħala preżentatur fuq it-televiżjoni Maltija. Il-preżenza tiegħu mistennija ġġib bilanċ bejn l-esperjenza fil-preżentazzjoni u l-entużjażmu mużikali li se joffru Destiny u Gaia.

Din l-għażla tidher li qed tiffoka mhux biss fuq ismijiet popolari, iżda wkoll fuq personalitajiet li jifhmu sew x’jirrappreżenta l-Eurovision għal Malta – kemm bħala kompetizzjoni mużikali kif ukoll bħala pjattaforma ta’ kburija nazzjonali.

X’jidhrilkom minn din l-għażla? Taħsbu li Destiny, Keane u Gaia huma t-taħlita ideali biex imexxu s-serati tal-Malta Eurovision tas-sena d-dieħla?

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Artikli Ricenti

Ġuvnott Skaliż Joħloq Ktejjeb Ta’ Kuraġġ Biex Jgħin Lil Puttinu Cares

Eileen Cumbo Salerno Ilbieraħ

Żjara sabiħa u ta’ ispirazzjoni saret lis-Sindku ta’ Marsaskala Mario Calleja, meta ltaqa’ ma’ ġuvnott Skaliż li diġà qed jagħmel differenza fil-komunità. Il-ġuvnott, bl-isem ta’ Neil Demarco, ħoloq il-ktejjeb bil-Malti “Ispirazzjoni – Ġabra ta’ Stejjer ta’ Kuraġġ”, li jiġbor fih stejjer ta’ individwi li għaddew minn tbatija jew sfidi relatati ma’ kundizzjonijiet differenti fil-ħajja tagħhom.Dan il-ktieb mhux […]