Ixxerja

Bħal-lum erba’ snin ilu, fit-18 ta’ Diċembru tal-2021, Carmen, mart Enzo Gusman tat l-aħbar fuq il-midja soċjali li l-għażiż żewġha kien miet fil-paċi f’daru fil-Kanada wara perjodu twil ta’ tbatija.

Dan kien xokk għal Malta u Għawdex kollha, hekk kif kien raġel maħbub minn kulħadd.

Fost l-iktar kanzunetti minn tiegħu li jibqgħu maħbuba hemm, Fil-Pjazza tar-Raħal, Inħossni Kburi Bik, It-Teatru, Fis-Sewwa U Fid-Dnewwa, kif ukoll Żeppi u Grezz.

Bint Enzo, Johanna xerrdet filmat ta’ Enzo jagħti waħda mill-wirjiet mill-aqwa tiegħu.

Hi kitbet, “Erba’ snin u l-weġgħa għadha qisu lbieraħ. Pa, se nonorak billi niftakar kemm kont straordinarju, iżda umli. Grazzi għall-affarijiet meraviljużi kollha li għallimtni. Qed nagħmel l-almu tiegħi biex ngħaddihom lil ħaddieħor. Inħobbok u nimmisjak kuljum.”

Għal dejjem f’qalbna għażiż Enzo. Strieħ fis-sliem.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Issa

Attività Tal-Għid Għall-Familja – Easter Egg Hunt F’Ta’ Qali U Ta’ Dbieġi

Emil Calleja Bayliss Illum

Jekk għadek qed tfittex xi attività sabiħa u differenti biex timla l-ġranet tal-vaganzi tal-Għid, għandna suġġeriment li żgur se jogħġbok – speċjalment jekk qed tippjana xi ħaġa għall-familja kollha. Il-Malta Crafts Foundation qed torganizza Easter Egg Hunt fil-Villaġġi tal-Artiġjani, attività li tgħaqqad divertiment, skoperta u appoġġ għat-talent lokali. Din l-esperjenza se tkun qed issir bejn […]