Ixxerja

Hekk kif ix-xitwa qed toqrob lejn tmiemha, ħafna diġà qed iħarsu ’l quddiem lejn l-istaġuni li ġejjin. Skont messaġġ li ġie ppubblikat mill-paġna popolari It-Temp Madwarna, fadal biss xahar għar-rebbiegħa, erba’ xhur għas-sajf u seba’ xhur għall-ħarifa.

Imma x’se jġibilna dan ix-xahar? Skont l-istess paġna, dan ix-xahar mistenni jirreġistra temperaturi ogħla mill-medja, flimkien ma’ inqas xita mis-soltu. Dan jista’ jfisser ġranet aktar xemxin u temp aktar stabbli, xi ħaġa li ħafna jkunu ilhom jistennew wara perjodu ta’ kesħa u maltemp.

Ir-rebbiegħa ġeneralment iġġib magħha temp aktar ħafif, fjuri jiffjorixxu u ġranet itwal: tfakkira ċara li s-sajf mhux ’il bogħod. Madankollu, bidliet fil-klima jfissru li kull staġun jista’ jġib sorpriżi u għalhekk wieħed għandu dejjem jibqa’ aġġornat mat-tbassir tat-temp.

Għalissa jidher li x-xhur li ġejjin se jibdew b’nota aktar sħuna u niexfa. Din hija bidla li xi wħud jilqgħuha, filwaqt li oħrajn jibqgħu jittamaw għal ftit aktar xita qabel jidħol is-sajf.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

“Kif Kumpliment Lejn Tfajla Li Tinsab Fi Stat Fiżiku Tajjeb Qed Jitqies Bħala Tgħajjir?” – Adam Sullivan

Cristian Tonna Illum

Dalgħodu l-kantanta Miriana Conte tellgħet filmat fuq il-midja soċjali tagħha fejn fih esprimiet sens ta’ rabja lejn kumment li ntqal mill-personalità lokali Adam Sullivan dwar id-dehra fiżika tagħha. Xi sigħat wara hu wieġeb għal din il-kontroversja. Saħaq li ma jistax jifhem kif kumpliment indirizzat lejn tfajla li kienet fi stat fiżiku tajjeb ġie interpretat bħala […]