Ixxerja

It-tennista Maltija Francesca Curmi kompliet tħalli isimha jiddi fix-xena internazzjonali hekk kif rebħet it-titlu tal-ITF Women W15 Monastir, wara finali b’saħħitha kontra l-Litwana Justine Mikulskytė, li tinsab ikklassifikata WTA 218.

Curmi wriet konsistenza u determinazzjoni tul il-finali, fejn rebħet is-settijiet 7–5 u 6–4, u temmet turnew impressjonanti mingħajr ma tilfet l-ebda sett matul il-kompetizzjoni kollha — fatt li jkompli jenfasizza l-livell għoli tal-logħob tagħha.

Din ir-rebħa tikseb importanza akbar meta wieħed iqis li l-avversarja tagħha tinsab ferm ogħla fir-ranking dinji. Bħalissa, Francesca Curmi tinsab ikklassifikata WTA 366, u dan ir-riżultat jikkonferma t-tkabbir kontinwu tagħha bħala atleta fuq livell internazzjonali.

It-titlu f’Monastir jitqies bħala pass importanti ieħor fil-karriera sportiva tagħha fuq livell internazzjonali.

Prosit tassew lil Francesca Curmi għal dan is-suċċess li tassew għamel lill-poplu Malti kburi 🇲🇹🎾

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Artikli Ricenti

Sejħa Urġenti Għat-Tip Ta’ Demm ‘O Positve’

Eileen Cumbo Salerno Ilbieraħ

Hekk kif qed noqorbu lejn l-istaġun tal-Milied, is-Servizz Nazzjonali tad-Demm f’Malta ħabbar li l-istokk tad-demm ‘O Positive’ laħaq livelli kritiċi. Dan it-tip ta’ demm huwa essenzjali b’mod partikolari għal pazjenti pedjatriċi u dawk li qed jirċievu kura onkoloġika, li ħafna drabi jkunu jeħtieġu trasfużjonijiet regolari. L-‘O Positive’ huwa wieħed mill-aktar tipi ta’ demm użati fl-isptarijiet, speċjalment f’każijiet ta’ […]