Ixxerja

Skont informazzjoni mressqa fil-Parlament, matul l-2025 ġew irreġistrati total ta’ 2,174 każ ta’ vjolenza domestika mal-Korp tal-Pulizija ta’ Malta.

Dan in-numru juri tnaqqis żgħir meta mqabbel mal-2024, meta ġew irreġistrati 2,225 każ, iżda żieda meta mqabbel mal-2023, li fih ġew irreġistrati 2,071 każ. Fl-2021 u 2022 kien hemm rata aktar baxxa ta’ każijiet, b’1,741 u 1,828 każ rispettivament.

In-nisa baqgħu jirrappreżentaw l-akbar numru ta’ vittmi ta’ abbuż domestiku f’ħafna lokalitajiet, b’117-il każ f’San Pawl il-Baħar fl-2025. Fl-istess sena, 34 raġel irrappurtaw li kienu vittmi ta’ vjolenza domestika minn din il-lokalità kif ukoll mill-Mosta, li kienu l-aktar żoni b’każijiet irrappurtati minn irġiel.

Meta kien qed iwieġeb mistoqsija parlamentari, il-Ministru Byron Camilleri qal li fl-2020 l-Korp tal-Pulizija ta’ Malta waqqaf, għall-ewwel darba, skwadra speċjalizzata fuq il-vjolenza bbażata fuq il-ġeneru u l-vjolenza domestika, bil-għan li tissaħħaħ l-għajnuna u l-appoġġ lill-vittmi.

Huwa spjega wkoll li nfetħu ċentri ta’ appoġġ f’Santa Luċija u f’Għawdex, filwaqt li x-xogħol fuq ċentru ieħor fl-Imtarfa wasal biex jitlesta. Barra minn hekk, qed jiġi ppreparat hub ieħor li mistenni jibda jopera fil-futur qrib.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

“14-Il Sena Ilu Ħajjitna Nbidlet Ta’ Taħt Fuq Minħabba Saħħa, Maria U Jien Kellna Nitilqu Kollox” – Puttinu Cares

Gabriella Borg Illum

Fuq il-paġna ta’ Puttinu Cares, inkiteb messaġġ ta’ ispirazzjoni li juri kemm jagħmel ġid Puttinu. Spjegaw, “14-il sena ilu ħajjitna nbidlet ta’ taħt fuq minħabba saħħa, Maria u jien kellna nitilqu kollox u mmorru l-UK għal tliet xhur sħaħ, għal trattament għal Maria.  Għalkemm kien żmien iebes ħafna, kien hemm xaqq ta’ tama f’kollox, sibna […]