Ixxerja

Il-kantant u kompożitur lokali Dominic Cini qasam messaġġ mill-aktar sinċier u mimli emozzjoni hekk kif ibnu Ainsley għalaq 17-il sena. F’messaġġ li mess il-qlub ta’ ħafna, Dominic esprima l-imħabba u l-kburija kbira li jħoss lejn ibnu, filwaqt li rringrazzjah mhux biss għall-karattru sabiħ tiegħu, iżda wkoll għar-rispett li juri lejh ta’ kuljum.

“Għażiż ibni Ainsley… illum hija l-ġurnata tiegħek fejn għalaqt 17-il sena. Grazzi ħafna talli tferraħna bil-karattru sabiħ tiegħek u grazzi akbar li tifhimni u ttini rispett,” kiteb Dominic, u temm il-messaġġ tiegħu b’awguri mill-qalb, “Happy birthday anġlu tiegħi.”

Kliem li juri rabta qawwija bejn missier u iben, mibnija fuq imħabba, rispett u apprezzament reċiproku. F’dinja mgħaġġla, mumenti bħal dawn ifakkru kemm huma importanti r-relazzjonijiet familjari u kemm kelma sabiħa tista’ tħalli impatt kbir.

Ħafna segwaċi ngħaqdu ma’ Dominic biex jawguraw lil Ainsley f’dan il-jum speċjali, b’messaġġi ta’ awguri u tifħir għall-valuri li jidher li qed jikber bihom.

Minn hawnhekk, nawguraw lil Ainsley ħafna suċċess u ferħ f’dan il-jum għażiż.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Artikli Ricenti

Illum Mhux Biss Jum San Valentinu, Iżda Wkoll Il-Jum Internazzjonali Tal-Għoti Tal-Kotba

Bernard Xuereb Ilbieraħ

Il-Jum Internazzjonali tal-Għoti tal-Kotba, iċċelebrat kull sena fl-14 ta’ Frar, huwa jum iddedikat biex tagħmel eżattament dak li jgħid it-titlu – tagħti l-kotba. Din il-festa speċjali hija ċċelebrata minn dawk li jħobbu l-kotba madwar id-dinja kollha. Huwa jum biex taqsam l-imħabba tiegħek għall-kotba ma’ xi ħadd – speċjalment it-tfal – li jista’ ma jkollhomx aċċess […]