Ixxerja

Il-kantant Malti Luke Chappell, li kien brilla fl-ewwel staġun ta’ X Factor Malta, dalwaqt se jivjaġġa lejn ir-Renju Unit biex jagħmel l-ewwel tour tiegħu bħala headliner – pass importanti fil-karriera tiegħu.

Dan it-tour qed jiġi organizzat u ffinanzjat kompletament minnu nnifsu, u se jdur diversi bliet madwar l-Ingilterra u l-Iskozja.

B’kollox, it-tour jinkludi sitt kunċerti li se jsiru bejn it-13 ta’ April u l-15 ta’ Mejju. Il-wirjiet se jsiru f’Bournemouth, Hertford, Londra, Glasgow, Birmingham u Sheffield.

F’Londra, Luke se jitla’ fuq il-palk tal-“The Dublin Castle”, venue ikoniku li fil-passat laqa’ artisti kbar bħal Amy Winehouse, Oasis u Blur fil-bidu tal-karrieri tagħhom.

Tul dan it-tour, Luke se jkun akkumpanjat mill-band tiegħu li tinkludi lil Peter Borg, Melchior Busuttil u Ryan Paul Abela.

View this post on Instagram

A post shared by Luke Chappell (@itslukechappell)

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Spettaklu

Sweet Nothings – Raquela B’Kanzunetta Dwar Wegħdiet Li Jispiċċaw Fix-Xejn

Emil Calleja Bayliss 27 ta' Marzu, 2026

Il-kantanta lokali Raquela qed tipprepara biex tniedi s-single l-ġdida tagħha bl-isem Sweet Nothings, li ħarġet uffiċjalment fil-25 ta’ Marzu 2026. Miktuba minn Raquela stess, bi produzzjoni ta’ Jean Paul Borg, il-kanzunetta tidħol fil-fond tal-emozzjonijiet li jħallu warajhom wegħdiet vojta, dawk il-kliem sabiħ li spiss jingħad fil-bidu ta’ relazzjoni, iżda li ma jdumx ma jintesa jew […]