Ixxerja

Il-kantant u kompożitur Malti Dominic Cini illum qed jiċċelebra għeluq sninu, 44 sena, b’messaġġ qasir iżda sinċier li jolqot il-qalb.

“Grazzi Mulej talli tajtni sena oħra. 44 sena llum,” kiteb fuq il-midja soċjali, kliem li juri kemm għalih dan il-jum mhuwiex biss ċelebrazzjoni, iżda wkoll mument ta’ riflessjoni.

Cini, li ilu snin twal involut fix-xena mużikali lokali, huwa magħruf kemm għall-vuċi tiegħu kif ukoll għax-xogħol tiegħu bħala kompożitur. Tul il-karriera tiegħu rajnieh jieħu sehem f’diversi festivals u produzzjonijiet, dejjem b’dik il-passjoni li tagħrfu biha.

Minkejja kollox, il-messaġġ tal-lum ma kienx dwar il-mużika jew il-kisbiet, iżda dwar il-ħajja nnifisha. F’kliem sempliċi, fakkar kemm xi drabi hemm bżonn nieqfu ftit u napprezzaw dak li għandna.

Awguri lil Dominic f’dan il-jum speċjali mingħand it-tim ta’ Gwida, nittamaw li s-sena li ġejja tkun mimlija aktar ispirazzjoni, mużika u mumenti sbieħ.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Issa

Tirritorna Festa Ħelu Fil-Kalkara B’Ġurnata Mimlija Divertiment Għall-Familja Kollha

Emil Calleja Bayliss Illum

Il-Kunsill Lokali tal-Kalkara qed jerġa’ jorganizza l-attività tant mistennija Festa Ħelu, li se tittella’ nhar il-Ħadd 12 ta’ April, ġurnata ddedikata għall-familja kollha, b’enfasi speċjali fuq it-tfal. Matul din l-attività, il-viżitaturi jistgħu jgawdu varjetà ta’ ħelu u ħlewwiet, flimkien ma’ logħob u attrazzjonijiet għat-tfal, fosthom rock-climbing. Dawn l-attivitajiet kollha se jkunu kompletament b’xejn, biex it-tfal […]