Il-Ministru għall-Fondi Ewropej u l-Implimentazzjoni tal-Programm Elettorali Stefan Zrinzo Azzopardi qasam messaġġ personali u emozzjonanti fuq il-mezzi soċjali, hekk kif fakkar anniversarju importanti fil-ħajja tal-ġenituri tiegħu.
F’post li qanqal reazzjonijiet pożittivi fost is-segwaċi tiegħu, il-Ministru kiteb kif ommu u missieru qalu iva lil xulxin 54 sena ilu. Huwa ddeskriva r-ritratt li akkumpanja l-messaġġ bħala wieħed li ilu jaffaxxinah sa minn tfulitu, u li jġorr miegħu tifkiriet u emozzjonijiet profondi.
Fil-messaġġ tiegħu, Zrinzo Azzopardi rringrazzja lill-ġenituri tiegħu tal-imħabba u l-għożża li tawh u li għadhom jagħtuh ta’ kuljum, u enfasizza l-valur tal-familja u r-relazzjonijiet mibnija fuq l-imħabba u r-rispett matul is-snin.
Il-post ġie milqugħ b’għadd ta’ kummenti ta’ awguri u tifħir, b’ħafna jfaħħru l-ġest sempliċi iżda sinifikanti li juri naħa aktar umana u personali tal-Ministru.
Facebook / Stefan Zrinzo Azzopardi
