Voluntiera fir-Rabat, Malta, ngħaqdu lkoll biex isalvaw lil Hellie li sabet ruħha f’diffikultà.
Hi nstabet tgħum f’wied ħdejn supermarket lokali, titħabat biex toħroġ barra mill-ilma. In-nies tal-madwar ingħaqdu f’missjoni ta’ salvataġġ biex isalvawha b’mod sigur. Persuna lemħet lil Hellie f’dik il-kundizzjoni, u fil-pront ikkuntattja voluntiera lokali tas-salvataġġ tal-annimali selvaġġi.
Filwaqt li rrikonoxxew l-urġenza tas-sitwazzjoni, il-voluntiera ma tilfu l-ebda ħin biex ikunu fuq il-post u jgħinuha. Permezz ta’ xibka l-voluntiera rnexxielhom itellgħu b’mod sikur lil Hellie mill-ilmijiet, hekk kif dehret għajjiena u tħoss il-bard.
Malli kienet sigura Hellie ttieħdet minnufih għand veterinarju għall-kura u t-trattament. Is-salvataġġ ta’ Hellie, li kien suċċess, kien kollu frott id-dedikazzjoni u l-kompetenza tal-voluntiera involuti. Din hija tfakkira li kull ħlejqa, żgħira kemm hi żgħira, jistħoqqilha l-protezzjoni u l-ħarsien tagħna.
Prosit!
