Ixxerja

Ilbieraħ fl-istadium nazzjonali f’Ta’ Qali, it-tim nazzjonali Malti ġie f’konfront mat-tim nazzjonali tal-Lussemburgu.

Ftit minuti qabel ma bdiet il-partita, hekk kif il-plejers taż-żewġ timijiet bdew ikantaw l-innijiet ta’ pajjiżhom, spikkat il-vuċi taċ-ċkejkna Catalaya hekk kif kienet proprju hi li kantat l-innu Malti.

Catalaya hi tifla ta’ 8 snin li ma tħallix il-passjoni tagħha lejn il-mużika tiġi mxekkla mill-fatt li hi nieqsa mid-dawl.

F’Novembru li għadda, meta t-tim nazzjonali ta’ pajjiżna f’dik l-okkażjoni ġie f’konfront mal-Polonja, kienet Catalaya wkoll li kantat l-innu ta’ pajjiżna fejn ftit minuti wara l-midja soċjali sabet ruħha ddominata minn kummenti ta’ tifħir indirizzati lejn iċ-ċkejkna.

Din id-darba wkoll ma naqasx li bosta faħħru liċ-ċkejkna hekk kif l-istadium nazzjonali li lbieraħ laqa’ fih madwar 9,400 ruħ tħalla kommoss bil-lirika tal-innu Malti kantata miċ-ċkejkna Catalaya.

Fuq il-midja soċjali l-President Emeritu Marie-Louise Coleiro Preca faħħret liċ-ċkejkna u stqarret li tinsab kburija ferm biha.

Prosit, Catalaya!

Ixxerja

Miktub Minn

Cristian Tonna

Jinteressa ruħu ferm f'dak kollu li qed iseħħ madwaru u lil hinn. Isegwi b'mod kontinwu x-xogħlijiet letterarji li jissawru bis-saħħa tal-ilsien Malti li huwa ferm għal qalbu. Iżomm ruħu aġġornat bl-avvanzi kollha li jseħħu fil-qasam tat-teknoloġija.

Issa

“Qatt Ma Nista’ Nkun Tajba Għax It-Telfa Ta’ Ibni Hi Wisq Kbira” – Omm Il-Mibki Francesco

Cristian Tonna Illum

Għaddew madwar sena u 6 xhur minn meta Francesco ta’ 15-il sena ħalla din id-dinja wara li tilef il-ġlieda tiegħu kontra kanċer aggressiv. Ma’ Puttinu Cares, ommu tistqarr li għadha sal-lum il-ġurnata ma tħossiex tajjeb u ssostni li ma temminx li qatt tista’ tħossha tajjeb “għax it-telfa ta’ ibni hi wisq kbira”. Dorianne, omm il-mibki […]