Ixxerja

Tista’ tgħid li Emily, serqet l-attenzjoni tal-Maltin u l-Għawdxin. Huma mijiet jekk mhux eluf ta’ nies li qed iżommuha f’qalbhom u f’talbhom jittamaw li t-tifla tagħmel pass ‘il quddiem u kollox jibda miexi sew.

Illum hi ġurnata speċjali għal omm Emily għax tiċċelebra għeluq sninha. Għal għeluq sninha, ommha Vaness ddeċidiet li tiftaħ kampanja sabiex jinġabru l-flus għal Puttinu Cares. Is-somma totali li nġabret s’issa tlaħħaq €3,800 u d-donazzjonijiet għadhom deħlin. Wieħed jista’ jagħmel id-donazzjoni tiegħu HAWN.

F’dan il-jum speċjali għal omm Emily, Emily bl-għajnuna ta’ dawk li bħalissa jinsabu qrib tagħha f’dawn il-mumenti diffiċli għaddiet lil ommha karta bl-awgurju tagħha fuqha u wkoll stampar tal-id u tas-sieq ta’ Emily bil-roża. Din żgur tibqa’ tifkira għażiża lil Vanessa.

Aħna f’isem it-tim kollu ta’ Gwida.mt nawguraw lil Vanessa li jkollha sena aħjar minn dik li għaddiet, nittamaw li ċ-ċkejkna Emily tirkupra u tkun mimlija enerġija u saħħa liema bħalha. Nafu fiċ-ċert li dan hu li tixtieq f’qiegħ qalbha.

Facebook / Vanessa Gatt

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Artikli Ricenti

L-Oriġini Tal-Prinjolata – L-Aktar Ħelu Tal-Karnival Favorit Ta’ Ħafna

Bernard Xuereb Ilbieraħ

Il-Prinjolata hija sinonima mal-jiem tal-Karnival u hija l-ħelu favorit ta’ bosta. Din hija kejk tradizzjonali Malti f’forma ta’ koppla li għandha għeruq fondi fiċ-ċelebrazzjonijiet tal-Karnival, li jmur lura għal żmien il-Kavallieri ta’ San Ġwann. Imsemmija għall-kelma Maltija prinjol (ġewż tal-arżnu), din il-ħelwa li ma teħtieġx forn u hija rikka u delizzjuża, tradizzjonalment miksija bil-meringa, ċikkulata […]