Ixxerja

Aħbar li żgur se tqanqal lill-partitarji tal-mużika rock hekk kif il-band leġġendarja Europe, magħrufa għall-kanzunetta ikonika The Final Countdown, se tkun qed iżżur lil Malta f’Novembru li ġej.

Il-band Żvediża se tkun il-headliner tal-Malta Metal Weekend, avveniment li qed jitħejja biex jiġbor flimkien uħud mill-akbar ismijiet fix-xena tal-metal u rock internazzjonali. Din il-prestazzjoni tifforma parti minn tour speċjali li qed ifakkar 40 sena mill-ħruġ ta’ The Final Countdown, waħda mill-aktar kanzunetti magħrufa tas-snin 80.

Flimkien ma’ Europe, diversi artisti u bands oħra diġà ġew ikkonfermati, fosthom Kreator, Paradise Lost, Omnium Gatherum, Doro, Dirkschneider u Candlemass, fost oħrajn.

Il-festival, organizzat minn NnG Promotions, se jsir ġewwa Eden Arena bejn it-13 u l-15 ta’ Novembru, u mistenni jattira numru kbir ta’ dilettanti tal-mużika minn Malta u barra. Dan l-avveniment jikkonferma għal darb’oħra li Malta qed tkompli ssaħħaħ ir-reputazzjoni tagħha bħala destinazzjoni għal kunċerti u festivals internazzjonali, b’esperjenza li żgur se tkun waħda memorabbli għal kull min jattendi

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Spettaklu

The Busker Joħorġu “Un/Loveable” – Kanzunetta Personali Li Titkellem Dwar Il-Biża’ Li Ma Nkunux Maħbubin

Emil Calleja Bayliss Illum

Il-band lokali The Busker ħarġet l-aħħar kanzunetta tagħha, Un/Loveable, li qed tiġi deskritta bħala l-aktar xogħol personali u introspettiv tagħhom s’issa. Ir-rilaxx, li sar fil-31 ta’ Marzu 2026, jindirizza tema universali iżda spiss moħbija, il-biża’ profonda li persuna tħoss li mhijiex denja li tkun maħbuba. Permezz tal-lirika, il-kanzunetta tesplora dik il-parti mudlama tal-psike tagħna li […]