Ixxerja

Ilbieraħ filgħodu, fiċ-Ċirkewwa saret ċerimonja solenni u mimlija riflessjoni, hekk kif il-Forzi Armati ta’ Malta ngħaqdu ma’ diversi entitajiet oħra għall-Quddiesa ddedikata lil Oliwia Wojnowska, it-tifla ta’ 13-il sena li tilfet ħajjitha l-ġimgħa l-oħra.

Sar anke tqegħid ta’ kuruni ta’ fjuri b’ġieħ il-memorja ta’ Oliwia. Il-quddiesa ġiet ikkonċelebrata minn diversi saċerdoti, fosthom il-Kappillan tal-Forzi Armati ta’ Malta, il-Kaptan Fr. Joe Meli.

Fr. Joe jesprimi messaġġ ta’ empatija u jisħaq fuq il-valur tal-ħajja u l-bżonn tas-solidarjetà f’mumenti ta’ tbatija u niket.

It-telfa ta’ Oliwia ta’ 13-il sena ħalliet impatt qawwi fuq il-pajjiż kollu, u din il-ġimgħa kienu ħafna Maltin u Għawdxin li esprimew sentimenti ta’ niket, riflessjoni u empatija fuq il-midja soċjali.

F’dan il-mument diffiċli, il-ħsibijiet u t-talb jibqgħu mal-familja tagħha, bit-tama li jsibu l-qawwa u l-faraġ meħtieġa biex jgħaddu minn dan l-uġigħ kbir.

Prosit lill-forzi talli wrew tant appoġġ anke permezz ta’ quddiesa u ċerimonja.

Ixxerja

Miktub Minn

Kyle Zarb

Interessat ħafna f'dak kollu li hu relatat mal-midja u x-xandir. Nistgħu ngħidu li hu ffissat fid-dinja tal-ispettaklu; kemm dik lokali kif ukoll internazzjonali. Isegwi d-drama Maltija ta' kull ġeneru u tassew japprezza t-talent Malti. Għandu esperjenza fejn jidħol kant, kif ukoll animazzjoni għat-tfal. Hu jħoss sodisfazzjon kbir meta jferraħ lil ħaddieħor u tkun xi tkun iċ-ċirkostanza jipprova dejjem iżomm tbissima fuq fommu.

Issa

“271 Kilometru Madwar Għawdex… Din L-Għawma Kienet Differenti Għax Għażilna Rotta Xjentifika” – Neil Agius

Gabriella Borg Ilbieraħ

Sena wara sebat’ ijiem ta’ għawm madwar Għawdex, Neil Agius kiteb dwar il-konklużjonijiet xjentifiċi li wasal għalihom. Hu spjega, “Is-sena l-oħra, għamilt l-għawma ta’ sebat’ ijiem, 271 kilometru madwar Għawdex, f’esperiment ħaj. Din l-għawma kienet differenti għax għażilna rotta xjentifika, fejn studjajna l-moħħ, u l-ġisem, taħt kundizzjonijiet estremi.” Żied jgħid li diversi studju rriżultaw li […]