Permezz ta’ kitba fuq il-paġna tagħhom, It-Temp Madwarna tkellmu dwar l-effetti fil-klima li qed tħalli l-gwerra tal-Istati Uniti u l-Iżrael kontra l-Iran.
Huma qalu, “Il-gwerra tal-Istati Uniti u l-Iżrael kontra l-Iran hija diżastru għall-klima, skont analiżi li sabet li qed tikkonsma l-baġit globali tal-karbonju aktar malajr minn 84 pajjiż flimkien. Filwaqt li ajruplani tal-gwerra, drones u missili joqtlu eluf ta’ nies, jeqirdu infrastruttura u jdawru l-Lvant Nofsani f’żona enormi ta’ sagrifiċċju ambjentali l-ewwel analiżi tal-ispiża klimatika sabet li l-kunflitt wassal għal 5 miljun tunnellata ta’ emissjonijiet ta’ gassijiet serra fl-ewwel 14-il jum tiegħu biss!”
Żiedu jgħidu, “L-analiżi żżid saff ieħor mar-rapporti dwar il-ħsara ambjentali katastrofika kkawżata mill-attakki fuq infrastruttura tal-fossili fuels, bażijiet militari, żoni ċivili u vapuri fil-baħar. “Kull daqqa ta’ missila hija ħlas ieħor lejn pjaneta aktar sħuna u instabbli, u xejn minn dan ma jagħmel lil ħadd aktar sigur,” qal Patrick Bigger, direttur tar-riċerka fl-Istitut tal-Klima u l-Komunità (ICC).”
Temmew jgħidu, “Kull nar f’raffinerija u attakk fuq tanker huwa tfakkira li l-ġeopolitika mmexxija mill-fossil fuels mhix kompatibbli ma’ pjaneta li tista’ tgħix fiha. Din il-gwerra turi għal darb’oħra, li l-iktar mod mgħaġġel biex tħaffef il-kriżi tal-klima huwa li tħalli l-interessi taż-żejt jiddettaw il-politika barranija.”
