Ixxerja

Fuq il-mezzi soċjali tagħha, Christa Cilia qasmet mas-segwaċi tagħha l-istorja ta’ Hunter, li qed jingħata ċans ġdid.

Kitbet, “Il-Ħadd tiegħi, wara li ssetiljajna l-klieb kollha tagħna, kelli appuntament speċjali ħafna... biex immur niltaqa' ma' Hunter. Meta qrajt l-istorja tagħha, ma stajtx inneħħiha minn moħħi. Wara li s-sid tagħha daħlet tgħix f'dar tal-anzjani, Hunter qattgħet 8 xhur tgħix waħedha fid-dar li kienet taf tul ħajjitha. Nies ta' qalb tajba kienu jmorru jagħtuha x'tiekol u jnaddfulha, iżda l-bqija tal-ħin kienet waħedha.”

Żiedet tgħid, “Bħallikieku dan ma kienx biżżejjed, matul dawk it-8 xhur tilfet ukoll il-ħabiba tagħha, kelba ta' 16-il sena. Fi żmien qasir, Hunter tilfet liż-żewġ kumpanji li kienu jfissru kollox għaliha. Hunter għandha madwar 8 snin u, apparti sinna infettata li trid titneħħa, tinsab f'saħħitha u f'kundizzjoni tajba. Malli ltqajt magħha, kont naf li kienet jistħoqqilha ċans ieħor.”

Kompliet, “Għalissa, jien se nkun il-pont tagħha. Se nagħtiha l-imħabba, il-kura u s-sigurtà li tant għandha bżonn, sakemm issib il-familja t-tajba li tagħtiha d-dar għal dejjem.”

Ixxerja

Miktub Minn

Gabriella Borg

Studenta tal-liġi, tħobb ferm il-lingwi, speċjalment il-lingwa Maltija. Il-kitba minn dejjem kienet passjoni tagħha u tħobb ukoll iddoqq il-pjanu fil-ħin liberu tagħha. Għandha post speċjali f'qalbha għall-annimali.

Issa

“Ir-Riskju Ta’ Nirien Bħalissa Hu Għoli Ħafna. Anke Att Żgħir Ta’ Traskuraġni Jista’ Jwassal Għal Konsegwenzi Serji” –…

Kyle Zarb Illum

It-Temp Madwarna wissa li bħalissa r-riskju ta’ nirien huwa għoli ħafna u appella lill-pubbliku biex jevita kull forma ta’ traskuraġni li tista’ twassal għal konsegwenzi serji.Il-paġna enfasizzat li anke azzjonijiet li jidhru żgħar jistgħu jikkawżaw nirien li jheddu l-ħajjiet, il-proprjetà u l-ambjent, speċjalment fil-kundizzjonijiet ta’ sħana u nixfa li qed jesperjenza l-pajjiż.Fil-messaġġ tagħha, It-Temp Madwarna […]