Ixxerja

Is-Soup Kitchen OFM Valletta fetaħ il-bibien tiegħu fil-25 ta’ Awwissu 2021, bil-għan li joffri ikel u appoġġ lil persuni li jgħixu f’sitwazzjonijiet ta’ vulnerabbiltà. Peress li l-operat tiegħu jiddependi kompletament fuq donazzjonijiet, it-trasparenza u r-responsabbiltà huma fil-qalba tal-ħidma tiegħu.

Matul l-2025, is-Soup Kitchen laqgħet 28,500 mistieden, li ġejjin minn diversi lokalitajiet madwar Malta. Fosthom insibu l-Belt Valletta, il-Furjana, il-Marsa, Ħaż-Żebbuġ, Ħal Qormi, San Pawl il-Baħar, il-Ħamrun, Bormla, Birkirkara, Raħal il-Ġdid, Tas-Sliema, il-Gżira, l-Imsida, il-Fgura, l-Imtarfa, Santa Venera u oħrajn.

Il-ħidma ta’ kuljum wasslet għall-preparazzjoni ta’ 85,500 platt ikel għall-ikel ta’ nofsinhar, kif ukoll 27,100 ikla ppakkjata għall-ikla ta’ filgħaxija. Barra minn hekk, bejn l-2021 u l-2025, 302 persuna sabu impjieg bl-assistenza diretta tas-Soup Kitchen, pass importanti lejn ħajja aktar stabbli u b’dinjità.

L-operat huwa sostnut minn tim żgħir iżda dedikat ta’ ħaddiema: impjegat full-time wieħed u impjegat part-time wieħed. Madankollu, il-qalba tal-ħidma tibqa’ l-volontarjat. Is-Soup Kitchen hija megħjuna minn 6 membri fil-bord u 75 voluntier, li ġejjin minn 62 pajjiż differenti madwar id-dinja. Magħhom jingħaqdu professjonisti bħall-avukati, infermiera, ħaddiema soċjali u parrukkiera, li joffru s-servizzi tagħhom b’xejn.

Matul is-sena, 68 kumpanija u 1,140 individwu ikkontribwew finanzjarjament biex din il-ħidma tkompli. Barra minn hekk, saru 1,800 żjara minn skejjel, kumpaniji u ċentri taż-żgħażagħ, li juru interess u solidarjetà konkreta lejn il-missjoni tas-Soup Kitchen.

Kif juri dan kollu, fis-Soup Kitchen OFM Valletta qed iseħħ dak li ħafna jsejħulu “miraklu ta’ kuljum tal-providenza”. Mingħajr l-armata ta’ voluntiera u l-ġenerożità tad-donaturi, din il-ħidma ma kinitx tkun possibbli. Għalhekk, isir appell biex l-appoġġ ikompli, sabiex kull mistieden ikun jista’ jingħata ħajja b’dinjità.

Donazzjonijiet finanzjarji jistgħu jintbagħtu permezz ta’:

• APS: A/C 41286610023 – MT56APSB77013000000041286610023
• BOV: A/C 40024827012 – MT46VALL22013000000040024827012
• PayPal: permezz tas-sit uffiċjali
• Ċekkijiet: indirizzati lis-Soup Kitchen OFM – Valletta, 40, Triq Santa Ursula, il-Belt Valletta

Għal aktar informazzjoni jew kuntatt: +356 79227570
Segwu l-ħidma tagħhom fuq Facebook u fuq is-sit uffiċjali.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Artikli Ricenti

Kapitlu Tlettax Jiftħu S-Sena 2026 Bir-Rilaxx Tal-Kanzunetta Ġdida ‘Sakemm Ġejt Int’

Eileen Cumbo Salerno Illum

Kapitlu Tlettax jiftħu l-2026 b’“Sakemm Ġejt Int”, kanzunetta riflessiva u mrażżna li tiffoka fuq bidla emozzjonali u fuq l-impatt li persuna waħda tista’ tħalli fuq il-mod kif wieħed iħares lejn il-ħajja. Il-kanzunetta nkitbet minn Kapitlu Tlettax fuq idea ta’ David Alosio flimkien ma’ Cyprian Cassar ta’ Somnio Studios, li kien ukoll responsabbli mill-produzzjoni. Il-ħoss hu […]