Ixxerja

Mariska Vella, omm Jake Vella, kitbet dwar l-esperjenza tagħha fil-jum dinji tal-kanċer, biex toffri kuraġġ lil min għaddej minn esperjenzi simili.

Hi kitbet, “Il-jum dinji tal-kanċer! Fis-sena 2020, ħajti nbidlet b’modi li qatt ma stennejt meta qaluli li għandi l-kanċer tas-sider. Il-vjaġġ li kelli kien wieħed twil u ta’ uġigħ kbir. Kelli nieħu l-kimoterapija, nagħmel operazzjonijiet, radiotherapy, u tmintax-il xahar ta’ Herceptin. Ġismi kien għajjien, qalbi kienet muġugħha, u kien hemm jiem fejn kollox ħassejtu wisq.”

Żiedet tgħid, “Kien hemm mumenti mimlijin dmugħ, inċertezza, u mumenti ta’ silenzju fejn staqsejt lili nnifsi kif se nsib is-saħħa li nkompli. Imma b’xi mod, ġurnata wara ġurnata, irnexxieli. Tgħallimt nittama, biex inħares lejn il-pożittiv anke fl-iktar jiem mudlama, u nemmen li dan il-kapitlu diffiċli mhux se jkun it-tmiem tal-istorja tiegħi.”

Hi żiedet tgħid li dan il-vjaġġ huma simbolu ta’ saħħa, reżiljenza u mħabba. Tixtieq li min għaddej mill-istess ħaġa ma jħossux waħdu, u jħoss li hemm xi ħadd li jifhmu. Tfakkar li l-ħajja tista’ terġa’ tinbet.

Ixxerja

Miktub Minn

Gabriella Borg

Studenta tal-liġi, tħobb ferm il-lingwi, speċjalment il-lingwa Maltija. Il-kitba minn dejjem kienet passjoni tagħha u tħobb ukoll iddoqq il-pjanu fil-ħin liberu tagħha. Għandha post speċjali f'qalbha għall-annimali.

Issa

“Nirrealizza Kemm F’Pajjiżna Għandna Liġijiet B’Saħħithom Li Jħarsu Lit-Tfal” – Is-Segretarju Parlamentari Andy Ellul

Gwida.mt Ilbieraħ

F’dawn l-aħħar jiem is-Segretarju Ġenerali Andy Ellul kellu l-opportunità li jirrappreżenta lil pajjiżna f’konferenza globali li seħħet fil-Marokk fejn matulha ġew diskussi sfidi u opportunitajiet relatati max-xogħol diċenti, il-protezzjoni soċjali kif ukoll l-eliminazzjoni tat-tħaddim tat-tfal. Wara li attenda din il-konferenza s-Segretarju Ġenerali esprima fuq il-midja soċjali s-sodisfazzjon tiegħu li “f’pajjiżna hawn liġijiet b’saħħithom u proċeduri […]