Il-pastizzeriji lokali Champ u Sphix qed jibku t-telf ta’ wieħed minnhom – Noel Tanti. L-aħbar tal-mewt tiegħu tħabbret ilbieraħ fuq il-midja soċjali.
“Huwa b’dispjaċir profond u dwejjaq kbir li nħabbru l-mewt ta’ membru tal-familja l-għażiż Noel Tanti,” qasmet Sphinx Pastizzeria fuq Facebook. “Huwa kien fundatur għall-oħt il-kumpanija tagħna Champ pastizzeria u sid tal-franchise Sphinx.”
“Il-kliem lanqas biss jista’ jibda jesprimi n-niket tagħna. Huwa kien tas-sengħa, raffinat fix-xogħol tiegħu u dejjem appoġġana fi żminijiet ħorox. Malta forsi tilfet ġawhra prezzjuża iżda l-wirt tiegħek żgur li se jkompli fil-ġenerazzjonijiet futuri tagħna. Jalla qalbek u ruħek isibu paċi u kumdità. Strieh fil-paċi.”
Il-kondoljanzi mill-qalb tagħna lill-familja Tanti.
