Ixxerja

Il-Malta Police Force xerrdu mument sabiħ fuq il-paġna uffiċjali fejn stqarru li ftit ilu rċivew messaġġ ta’ ringrazzjament mingħand membru tal-pubbliku, talli għenu biex isalvaw qattusa li kienet maqbudha f’sit ta’ kostruzzjoni.

Skont messaġġ li nqasam mill-pubbliku, il-qattusa bl-isem ta’ Minnie sabet ruħha f’diffikultà u ma setgħetx toħroġ waħedha. Malli ġew infurmati, il-pulizija aġixxew malajr u waslu fuq il-post biex jintervjenu.

B’attenzjoni u dedikazzjoni, irnexxielhom isalvaw lil Minnie mingħajr ma ġarrbet ħsara u ftit tal-ħin wara reġgħet ingħaqdet ma’ sidha li bla dubju kien mument mimli ferħ u serħan il-moħħ.

Il-Forza tal-Pulizija qalet li dawn huma l-mumenti li juru x-xogħol veru tagħhom ta’ kuljum – fakkru li mhumiex qegħdin hemm biss biex jinfurzaw il-liġi, iżda wkoll biex jgħinu u jappoġġjaw lill-komunità. Bla dubju din hija storja li tfakkarna li kultant anke l-iżgħar ġest żgħir jista’ jfisser kollox.

Ixxerja

Miktub Minn

Eileen Cumbo Salerno

Eileen tħobb tikteb bil-Malti u tħaddan b’passjoni l-lingwa bħala edukattriċi. Għandha interess kbir fid-dinja tal-moda u l-mużika – żewġ oqsma li jgħinuha tesprimi min hi b’mod artistiku u spontanju. Il-meditazzjoni u l-qari jgħinuha tibqa’ tikber kemm fuq livell personali kif ukoll dak kreattiv.

Issa

Tiġi Kkanċellata L-Purċissjoni Tal-Madonna Tad-Duluri Tal-Belt Valletta Minħabba Temp Instabbli

Cristian Tonna Illum

Għadu kif tħabbar li minħabba t-temp instabbli li qed joqlot lill-gżejjer Maltin illejla, il-purċissjoni tal-Madonna tad-Duluri li ta’ kull sena ssir fit-toroq tal-Belt Valletta se tkun qiegħda tiġi kkanċellata. Fi stqarrija l-Knisja ta’ Ġieżu fissret kif din id-deċiżjoni kienet waħda diffiċli ferm iżda sostnew li kienet meħtieġa sabiex tiġi żgurata s-sigurtà ta’ dawk kollha li […]