Illejla r-residenti ta’ Big Brother Malta mistennija jinnominaw lil min jixtiequ li jitkeċċa mid-dar.
Dan tħabbar fuq il-mezzi soċjali mit-tim tal-produzzjoni li ġabu wkoll filmat tal-parteċipanta Erika li tidher ikkonfonduta mhux ħażin tagħżel lil min sa tkun qed tinnomina.
Din id-darba, l-parteċipanta Raisa sa tkun protetta mill-eliminazzjoni ladarba ftit jiem ilu ġiet maħtura bħala l-Head of House wara l-isfidi li kien hemm.
Il-parteċipanti kollha sa jkunu mitluba jinnominaw żewġ persuni li jixtiequ li jiġu mkeċċija mid-dar, biss fl-aħħar mill-aħħar huwa biss parteċipant wieħed li jkollu l-iżjed nominazzjonijiet li sa jkun qed jiġi mkeċċi mid-dar.
Huwa mifhum li nhar il-Ħadd sa tkun qed titnieda edizzjoni speċjali magħrufa bħala ‘eviction night’ fejn sa jiġi mħabbar min sa jkun qed jitkeċċa.
Intom min taħsbu li sa jiġi eliminat dil-ġimgħa?
