Attività oħra ta’ suċċess għal Mill-Forn tal-Ħabs intemmet illum hekk kif il-gabbana popolari tagħhom waslet għall-aħħar ġurnata tagħha.
Din l-inizjattiva ġibdet numru sabiħ ta’ klijenti u segwaċi, li matul il-jiem attendew bi ħġarhom biex igawdu l-prodotti u l-atmosfera unika li toffri l-marka.
F’messaġġ ta’ ringrazzjament, it-tim wara l-inizjattiva esprima l-apprezzament profond tiegħu lejn il-klijenti kollha li għamlu din l-attività possibbli.
Huma saħqu li l-appoġġ kontinwu tal-pubbliku huwa l-mutur li jżommhom motivati biex jibqgħu joffru servizz ta’ kwalità għolja.
“L-appoġġ tagħkom ifisser kollox għalina,” sostnew, waqt li wegħdu li se jkomplu jaħdmu biex iġibu aktar inizjattivi u esperjenzi simili fil-futur qarib.
Il-pubbliku huwa mħeġġeġ biex jibqa’ jsegwi l-paġna uffiċjali tagħhom sabiex jibqa’ aġġornat dwar attivitajiet u avvenimenti li ġejjin.
Fl-istess waqt, it-tim wassal ukoll il-ħsibijiet sbieħ tiegħu lill-komunità kollha, billi awgura lil kulħadd Għid mimli ferħ, paċi u mumenti sbieħ mal-għeżież.
