Mil-lejla ser jibda jixxandar staġun ġdid tal-programm maħbub minn ħafna ta’ kull nhar ta’ Sibt filgħaxija ‘The Entertainers.’ Ftit ilu, wara kurżità kbira mqanqla fuq il-paġna tal-kantanta Corazon, ħabbret li hi flimkien ma’ Victorio Gauci, l-kantant fil-band “The Crowns” ser ikunu il-preżentaturi l-ġodda ta’ dan il-programm. Dan wara li fl-aħħar sitt staġuni li għaddew kien jippreżenta l-kantant Janvil.
Neville, il-maħbub ta’ Corazon jgħaddilha messaġġ speċjali mimli xewqat sbieħ f’dan il-jum li jagħti bidu għal avventura ġdida permezz ta’ post fuq Facebook.
“Dis-sena ġiet għal avventuri ġodda u sbieħ. Avventuri li mlewlna ħajjitna b’ferħ liema bħalu. Illum se tibda avventura oħra sabiħa għalik. Naf biċ-ċert li mhux talli se tidħlilha bl-ikbar saħħa, talli se teċċella kif dejjem tagħmel f’kull ħaġa f’ħajtek. Awguri mill-qalb inħobbok u kburi bik”
Hu jkompli billi jawgura lil Victorio li huwa ċert li se jkun kollega ideali!
Aħna nawguraw mill-qalb lil Corazon u lil Victorio għal din l-esperjenza!
Facebook/ Corazon Mizzi
