Permezz ta’ kitba fuq il-paġna tiegħu Richard Aquilina qasam mas-segwaċi tiegħu kelmtejn mill-isbaħ fl-okkażjoni ta’ għeluq snin il-maħbuba tiegħu.
Qal, “Int tassew tfisser id-dinja kollha għalija. Jiena grat ħafna lejk u għal dak kollu li tagħmel għalija kuljum. Il-mod kif dejjem tkun hemm għalija, tappoġġjani u dejjem tibqa’ ħdejja jfisser aktar milli nista’ qatt nispjega bil-kliem. Int sabiħa ħafna, mhux biss minn barra imma aktar minn ġewwa. Qalbek, il-ħlewwa tiegħek u l-mod kif tħobb lin-nies ta’ madwarek jagħmluk persuna tassew speċjali.”
Żied, “Inħossni tassew fortunat li għandi lilek f’ħajti, u sinċerament ma nistax nistenna biex inqatta’ l-bqija ta’ ħajti miegħek, noħolqu memorji flimkien u nikbru flimkien kuljum. Nittama li għeluq sninek ikun sabiħ daqsek, għax tassew jistħoqqlok il-ferħ kollu tad-dinja. Inħobbok ħafna, ħafna.”
