Ir-Reġistru tan- Negozju ta’ Malta (MBR) b’kollaborazzjoni mal-Assoċjazzjoni tal- Għalliema tal-Istorja (HTA), organizza b’suċċess Jum l-Istorja mfassal għall- istudenti tas-sekondarja. Dan l-avveniment, li attira l-parteċipazzjoni ta’ aktar minn 200 student akkumpanjati mill-għalliema tal-istorja tagħhom, ipprovda approċċ uniku u impenjattiv għat–tagħlim tal-istorja barra mill-ambjent tradizzjonali tal-klassi.
Jum l-Istorja kien ikkaratterizzat minn firxa ta’ attivitajiet interattivi ħafna, li ppermettew lill-istudenti iqarrbu lejn fir-rikkezza tal-passat. Ir-re-enactments, id- dimostrazzjonijiet tal-falkunerija, is-sessjonijiet tal-qwas, u l-esperjenzi l-aktar avvanzati tar-Realtà Virtwali taw il-ħajja liż-żminijiet Medjevali, Rumani u t-Tieni Gwerra Dinjija, u wrew kif dawn il-perjodi influwenzaw id-dinja moderna.
L-istudenti kellhom ukoll l-opportunità li jinteraġixxu mal-membri tal- Assoċjazzjoni tal-Għalliema tal-Istorja, billi jiksbu għarfien dwar l-istudju tal- istorja bħala suġġett. Dawn l-interazzjonijiet kellhom l-għan li jispiraw lill- istudenti japprezzaw l-importanza tal-għarfien storiku u jikkunsidraw kif l-istudju tal-istorja fil-vjaġġ akkademiku tagħhom jista’ jwassal għal opportunitajiet ta’ karriera eċċitanti.
Din l-inizjattiva issaħħaħ l-impenji tar-Responsabbiltà Soċjali Korporattiva (CSR) tar-Reġistru tan-Negozju ta’ Malta, filwaqt li trawwem l-involviment tal- komunità u tippromwovi l-iżvilupp edukattiv. Din l-inizjattiva uriet b’suċċess l- importanza tal-istorja fit-tfassil ta’ edukazzjoni mfassla tajjeb għall- ġenerazzjonijiet futuri.
