Ixxerja

Il-Ministeru għas-Saħħa dalgħodu informa lill-midja li anzjan ta’ 67 sena miet waqt li kien pożittiv bil-Covid-19. L-informazzjon li għandu l-Ministeru jidher li l-anzjan iddaħħal l-Isptar Mater Dei fit-2 ta’ Ottubru, u ġie kkonfermat pożittiv għall-Covid-19 fil-11 ta’ Ottubru. Huwa miet l-Isptar Mater Dei.

Il-Ministeru qal li l-anzjan kellu kundizzjonijiet ta’ saħħa ulterjuri. Il-Ministeru għas-Saħħa, għadda l-kondoljanzi lill-familjari tal-anzjan, u appella biex il-poplu jibqa’ jsegwi l-appelli tad-Dipartiment tas-Saħħa, fosthom il-ħasil tal-idejn ta’ spiss, id-distanza soċjali u l-użu tal-maskra.

Din hi it-43 mewta relata mal-Covid-19 f’pajjiżna. Din il-pandemija daħlet f’pajjiżna lura f’Marzu u bħalissa għandna ‘l fuq minn 700 każ attiv.

Ixxerja

Miktub Minn

Emil Calleja Bayliss

Iħobb il-lingwa Maltija u jsegwi b’mod attiv ix-xena mużikali lokali. Id-dinja tal-ispettaklu taffaxxinah u l-għaxqa tiegħu jara xows differenti. Biex jirrilassa Emil jieħu gost imur ħdejn il-baħar u fil-kampanja, hemm isib ftit kwiet ’il bogħod mill-ġenn.

Artikli Ricenti

Illum Mhux Biss Jum San Valentinu, Iżda Wkoll Il-Jum Internazzjonali Tal-Għoti Tal-Kotba

Bernard Xuereb Ilbieraħ

Il-Jum Internazzjonali tal-Għoti tal-Kotba, iċċelebrat kull sena fl-14 ta’ Frar, huwa jum iddedikat biex tagħmel eżattament dak li jgħid it-titlu – tagħti l-kotba. Din il-festa speċjali hija ċċelebrata minn dawk li jħobbu l-kotba madwar id-dinja kollha. Huwa jum biex taqsam l-imħabba tiegħek għall-kotba ma’ xi ħadd – speċjalment it-tfal – li jista’ ma jkollhomx aċċess […]